Маці Навальнага паказалі цела сына, але выдаваць адмаўляюцца
Людміла Навальная, маці загінулага ў турме расійскага палітыка Аляксея Навальнага, расказала, што ўчора яе таемна адвезлі ў морг, дзе паказалі цела сына.
22.02.2024 / 19:08
Людміла Навальная. Скрыншот з відэа
«Следчыя сцвярджаюць, што ім вядомыя прычыны смерці. У іх гатовыя ўсе медыцынскія і юрыдычныя дакументы, якія я бачыла. Медыцынскае пасведчанне аб смерці я падпісвала», — паведаміла Людміла Навальная.
Жанчына падкрэсліла, што па законе ёй павінны былі адразу аддаць цела сына, але следчыя і крыміналісты гэтага не зрабілі.
«Замест гэтага яны шантажуюць мяне, ставяць мне ўмовы, дзе, калі і як павінен быць пахаваны Аляксей», — сцвярджае маці загінулага палітыка.
Чытайце таксама:
Зянон Пазняк — пра Юлію Навальную: Кухарка-2, у манерах мадам пішчыць ФСБ
Столтэнберг: Смерць Навальнага — падстава павялічыць дапамогу Кіеву