Aŭstryja źbirajecca pryznavać praterminavanyja biełaruskija pašparty
Padčas svajoj pajezdki ŭ Vienu Śviatłana Cichanoŭskaja sustrełasia ź ministram zamiežnych spravaŭ Aŭstryi Alaksandram Šalenbierham. Siarod inšych pytańniaŭ jana zakranuła prablemu lehalizacyi biełarusaŭ u hetaj krainie.
23.02.2024 / 00:01
Alaksandr Šalenbierh i Śviatłana Cichanoŭskaja. Fota: Ofis Śviatłany Cichanoŭskaj
Pavodle paviedamleńnia Ofisa Śviatłany Cichanoŭskaj, Alaksandr Šalenbierh zajaviŭ, što Aŭstryja nieŭzabavie budzie pryznavać praterminavanyja biełaruskija pašparty jak sapraŭdnyja.
Taksama baki damovilisia ab raspracoŭcy instrukcyi pa lehalizacyi dla biełarusaŭ Aŭstryi. Adnak zastajecca prablema z aŭstryjskim pašpartam inšaziemca: dla taho, kab atrymać taki dakumient, pa aŭstryjskim zakanadaŭstvie nieabchodna admaŭlacca ad biełaruskaha hramadzianstva.
Taksama padčas sustrečy Cichanoŭskaja paviedamiła aŭstryjskamu premjeru pra situacyju ź biełaruskimi palitviaźniami i raskazała jamu pra tych, z kim užo vielmi doŭha niama suviazi.
Akramia taho, Śviatłana Cichanoŭskaja zaklikała Šalenbierha pryznačyć śpiecyjalnaha pasłańnika pa Biełarusi, jaki budzie pracavać z demakratyčnymi siłami.
Čytajcie taksama:
Na pasiadžeńni PA ABSIE pradstaŭniki Łukašenki nie stali słuchać Cichanoŭskuju
Kamanda Cichanoŭskaj kreatyŭna raić, jak pravieści dzień vybaraŭ
Pavieł Usaŭ: Nikoli nie krytykavaŭ Cichanoŭskuju, bo jana taho nie vartaja