Minabarony vypadkova vykłała dakumient z analizam intervju Chrenina. I paćvierdziła, što viadzie adzin z praŭładnych kanałaŭ
Znajšłosia ŭ dakumiencie miesca i niezaležnym miedyja.
23.02.2024 / 17:30
Viktar Chrenin. Fota: Minabarony Biełarusi
U telehram-kanale «Nievalfovič» źjaviŭsia dakumient, jaki nazyvajecca «Intervju na MA na 22.02». U im źmiaščaŭsia padrabiazny analiz intervju Viktara Chrenina rasijskaj prapahandystcy Anastasii Sachoŭskaj. Tam jon zajaviŭ, što Biełaruś hatovaja «źbivać samaloty NATA».
Skrynšot z dakumienta
Najbolšy achop, pa mierkavańni Minabarony, intervju Chrenina atrymała na rasijskich resursach. Tam jany naličyli achop «bolš za 60 miljonaŭ čałaviek». Praŭładnym resursam addali druhoje miesca — «bolš za 6 miljonaŭ». Ale znajšłosia miesca i dla niezaležnych miedyja, jakich Minabarony nazyvaje «destruktyŭnymi»:
«Destruktyŭnyja infarmacyjnyja resursy: kala 40. Achop aŭdytoryi: bolš za 200 tysiač (za vyklučeńniem pakryćcia materyjałaŭ, raźmieščanych na sajtach).
Asnoŭny mesedž: u asnoŭnym destruktyŭnyja resursy raspaŭsiudžvali aficyjny paradak dnia z akcentam, što zajavy ministra abarony Viktara Chrenina niasuć pahrozu («pahražaje źbić samalot NATA»)».
Skrynšot z dakumienta
Padsumoŭvajučy, Minabarony naličyła jašče 1,355 miljona uzhadak proźvišča Chrenina ŭ telehramie paśla publikacyi intervju. Praŭda, niezrazumieła, jak paličanaja heta statystyka.
Ale cikavy i sam dakumient. Stvaralnikam fajła paznačanaje «Hałoŭnaje ŭpraŭleńnie ideałahičnaj raboty». Vidavočna, havorka pra adnajmiennuju strukturu ŭ Minabarony. Uznačalvaje HUIR hienierał Leanid Kasinski.
Skrynšot mietadanych dakumienta
Da hetaha było dakładna nieviadoma, chto viadzie kanał «Nievalfovič». Ciapier vyśvietliłasia, što heta supracoŭniki Hałoŭnaha ŭpraŭleńnia ideałahičnaj raboty Ministerstva abarony.
A Zver — heta prosta nazva pirackaj zborki Microsoft Office.
Čytajcie taksama:
Milicejski telehram-kanał, dzie publikujuć videa z represavanymi, vypadkova vydaŭ svaich adminaŭ
U kanale Aleha Hajdukieviča apublikavali dykpik. Padobna, z deputackaj rukoj