U Rasiju adpravili jašče dzieviać biełaviežskich zubroŭ
U Nacyjanalny park «Biełaviežskaja pušča» pastupiŭ zapyt z Rasii jašče na dzieviać zubroŭ. Hetym razam ich zachacieła mieć Kastramskaja vobłaść, paviedamlaje «SB.Biełaruś siońnia».
23.02.2024 / 16:35
Heta ŭžo nie pieršaje pierasialeńnie našych zubroŭ u Rasiju, pieršaja partyja hetych žyvioł była adpraŭlena ŭ hety samy rehijon u minułym hodzie. Akramia taho, 18 zubroŭ byli dastaŭlenyja ŭ Baškartastan.
Jak paviedamlajecca, za kožnaha zubra rasiejcy ŭ siarednim płaciać pa 8-9 tys. dalaraŭ.
Jašče dvuch zubroŭ niadaŭna adpravili ŭ Piekin. I kali dla ich dastaŭki ŭ rasijskija rehijony vykarystoŭvajuć aŭtamabilny transpart, to ŭ Kitaj zubry laciać samalotam.
Navukovy supracoŭnik Nacparka zubraznaŭca Alaksiej Bunievič vykazaŭ mierkavańnie, što pieramiaščeńnie zubroŭ u inšyja rehijony śvietu źjaŭlajecca adnym sa sposabaŭ vyrašeńnia prablemy pieranasialeńnia, jakaja nazirajecca ŭ Biełaviežskaj puščy ŭžo niekalki hadoŭ. Pavodle jaho słoŭ, kolkaść zubroŭ pastajanna pavialičvajecca, a park zdolny prakarmić tolki 350 asobin.
Letaś u puščy było zarehistravana 730 zubroŭ, a ciapier pravodzicca tradycyjny ŭlik, jaki praz adsutnaść śniehu budzie zavieršany tolki da kanca sakavika.
Čytajcie taksama:
U Polščy vajskovaja mašyna naśmierć źbiła zubra. Ździvili pavodziny jahonaha tavaryša
Ź Biełaviežskaj puščy vyjšli amal usie zubry. Kudy i navošta?