Мінчанка выкінула падараную парфуму з 12 паверха і пашкодзіла два аўтамабілі. Зараз у жанчыны — вялікія непрыемнасці
У Цэнтральнае РУУС звярнулася сямейная пара з заявай аб пашкоджанні двух аўтамабіляў. Сума шкоды склала каля 3000 рублёў.
24.02.2024 / 11:28
Фота: Міліцыя Мінска
Муж і жонка распавялі, што пакінулі машыны на ноч у двары, а раніцай пабачылі, што ў машынах разбітае шкло, паведамляе «Міліцыя Мінска».
Аператыўнікі ўстанавілі, што машыны пашкодзіла 39-гадовая мінчанка, якая жыве ў адным з імі доме.
Фота: Міліцыя Мінска
Гэтая жанчына расказала, што ў той вечар сябра падарыў ёй парфуму, аднак мінчанка нападпітку такі прэзент не ацаніла. Яна выкінула флакон з 12 паверха, у выніку чаго былі пашкоджаны машыны.
Распачата крымінальная справа за хуліганства.
Чытайце таксама:
Чацвера білі, а трое здымалі на тэлефон. Дзяўчынка з-пад Мінска стала ахвярай булінгу
У Гродне мужчына так ударыў нагой у спіну пенсіянера, што той пераляцеў цераз лаўку
16-гадоваму падлетку далі 10 гадоў выхаваўчай калоніі за падпал здымнай кватэры