Hramadstva

Karpienka namalavaŭ amal 42% hramadzian, jakija prahałasavali daterminova

Siońnia skončyłasia piacidzionnaje daterminovaje hałasavańnie pierad asnoŭnym «adzinym dniom», pryznačanym na 25 lutaha. Ličba, na jakoj było vyrašana spynicca va ŭsiebiełaruskim maštabie — 41,71%. Heta novy rekord, papiaredni byŭ 35,77% na vybarach 2019 hoda. 

Fota: logoysk.by

Pierachodzić pa kolkaści vybarščykaŭ, jakija nibyta prahałasavali daterminova, za sakralnuju miažu ŭ 50% ni ŭ adnoj z abłaściej nie navažylisia, choć, zdavałasia, prynamsi ŭ Homielskaj vobłaści, dzie ŭžo ŭčora było zapisana 42,83%, heta abaviazkova adbudziecca. Ale nie, i tut tvorcy statystyki spynilisia na «ścipłych» 49,93%.

Prytym homielcaŭ ledź nie dali dahnać mahiloŭcam, jakija ŭčora adstavali bolš čym na 5%. Ale ŭsio ž taki demanstravany homielskimi viertykalščykami ciaham usiaho pieryjadu daterminovaha hałasavańnia zvyšimpet usio ž vyrašyli acanić, pastaviŭšy ich asnoŭnych kankurentaŭ choć i tolki na paŭpracenta, ale nižej — 49,43%.

U astatnich abłaściach pakazčyki bolš ścipłyja: Bresckaja — 44,71%, Viciebskaja — 41,71%, Minskaja — 40,47% i Hrodzienskaja — 39,98%.

Što ž tyčycca Minska, to tut vyrašyli abmiežavacca amal kruhłymi 30,07%. 

Čytajcie taksama:

Kandydat-spojler pra ŭdzieł u vybarach: «Ja — kamunist ź vialikim stažam. Partyja skazała «treba» — značyć, treba»

Mahiloŭskaja deputatka Pałaty źniałasia pasiarod vybaraŭ. I što, daviadziecca pieramahać jaje sparynh-partniorcy?

U Barysavie vybarščykaŭ zavablivajuć na ŭčastki piernikami FOTAFAKT

Kamientary da artykuła