Piatruchin pra siamiejnuju dramu padčas turmy: žonka źmianiła proźvišča sabie i synu

Aŭtar jutub-kanała «Narodny reparcior» Siarhiej Piatruchin u novym vypusku TOKu raskazaŭ, pra što škaduje.

25.02.2024 / 10:04

Siarhiej Piatruchin. Skryn videa TOK_talk / YouTube

Siarhiej Piatruchin u minułym byŭ viadomym błohieram. U 2020-m hodzie jon byŭ aryštavany. Vyjšaŭ na volu jon ŭ śniežni 2022 hoda. A niadaŭna praz pahrozu novaha zatrymańnia vyjechaŭ za miažu.

Pa słovach Siarhieja, jon škaduje, što ŭ vyniku ŭsich padziej, što ź im adbylisia, straciŭ siamju.

«Žonka pamianiała proźvišča. Synu pamianiała. I maci maja za Łukašenku. I siastra mianie ŭ hetym płanie nie padtrymlivaje».

@tokbelarus «Ja raniej byŭ zvyčajnym vatnikam. I milicyja, dumaŭ, narmalnaja ŭ nas» Błohier Siarhiej Piatruchin raskazaŭ pra pierałomny momant u svaim žyćci, kali jon zrazumieŭ, što niešta ŭ «krainie dla žyćcia» idzie nie tak #briest #biełaruś #biełaruśnovosti #novostibiełarusi #milicijabiełarusi #stranadlažiźni ♬ stellar (Slowed + Reverb) - .diedlonely & énouement

Akramia hetaha, jak adznačaje mužčyna, paśla turmy razładzilisia adnosiny z synam. «Tam poŭny dysbałans».

Ale Piatruchin nie tłumačyŭ synu, čamu jaho pasadzili:

«Jon vučycca ŭ niejkaj tam škole ź milicejskim uchiłam. Mnie žonka skazała: «Ty tudy navat nie zachodź».

«Ale ja niejak pieražyvu», — havoryć mužčyna i adznačaje, što razumieje, u čym sens jaho achviary:

«Mnie vielmi istotna, što pra mianie buduć dumać ludzi i moj syn. Potym jon raźbiarecca. I kali raźbiarecca, budzie mnoj hanarycca».

Hladzicie całkam:

Nashaniva.com