Музыку гурта «Мінімум Дыстанцыі» асудзілі да 3 гадоў хатняй хіміі, таксама ён «заплаціў» за данаты
У студзені стала вядома пра затрыманне беларуса, які вярнуўся з Польшчы, бо скончылася працоўная віза. У сацсетках хлопец падпісаны як музыка гурта «Мінімум Дыстанцыі» Жэня Шум. Цяпер сілавікі апублікавалі новае відэа з ім.
26.02.2024 / 11:28
Як распавядае на відэа хлопец, суд прысудзіў яму 3 гады хатняй хіміі. Па якім артыкуле судзілі музыку і калі гэта адбылося, невядома.
«Пасля выхаду на волю я вырашыў зноў звярнуцца з яўкай у органы ўнутраных спраў, бо мною былі здзейснены данаты, якія фінансуюць экстрэмісцкую дзейнасць», — гаворыць Шум.
Канал сілавікоў піша, што хлопец кампенсаваў шкоду і застаўся на волі.
Чытайце таксама:
«Я быў ватнікам». Новы ТОК з Сяргеем Пятрухіным