Stołtenbierh abvierhnuŭ adpraŭku vojskaŭ NATA va Ukrainu
U NATA niama nijakich płanaŭ pa raźmiaščeńni vojskaŭ na terytoryi Ukrainy, zajaviŭ Jens Stołtenbierh. Raniej Makron nie vyklučyŭ adpraŭku zachodnich vajskovych sił, piša RBK.
27.02.2024 / 14:29
Jens Stołtenbierh. Fota: Thierry Monasse / Getty Images
NATA nie płanuje adpraŭlać bajavyja padraździaleńni va Ukrainu, zajaviŭ hienieralny sakratar aljansu Jens Stołtenbierh u razmovie z Associated Press na fonie paviedamleńniaŭ ab tym, niekatoryja krainy razhladajuć mahčymaść uvodu vojskaŭ u zonu kanfliktu.
Jon padkreśliŭ, što sajuźniki pa NATA akazvajuć biesprecedentnuju padtrymku Ukrainie, jakaja pravodzicca z 2014 hoda i stała bolš aktyŭnaj paśla pačatku kanfliktu ŭ 2022 hodzie. «Ale [u nas] niama nijakich płanaŭ pa raźmiaščeńni bajavych padraździaleńniaŭ NATA na miescach va Ukrainie», — zapeŭniŭ Stołtenbierh.
Pa vynikach samitu zachodnich krain u Paryžy, jaki prajšoŭ 26 lutaha, prezident Francyi Emanuel Makron dapuściŭ adpraŭku vojskaŭ zachodnich krain va Ukrainu. «Siońnia niama kansensusu adnosna adpraŭki naziemnych vojskaŭ aficyjnym, mierkavanym i adobranym čynam. Ale ŭ budučyni ničoha vyklučać nielha», — zajaviŭ jon.
Čytajcie taksama:
Makron nie vyklučyŭ mahčymaści adpravić vojski zachodnich krain va Ukrainu
Parłamient Vienhryi narešcie ŭchvaliŭ ustupleńnie Šviecyi ŭ NATA