Kałaŭr znajšoŭ pazityŭ dla biełaruskaha rubla ŭ sankcyjach
Dola depazitaŭ u biełaruskich rublach vyrasła za minuły hod na 6%, paviedamiŭ staršynia praŭleńnia Nacyjanalnaha banka Biełarusi Pavieł Kałaŭr.
29.02.2024 / 10:41
Fota: BiełTA
«Ros popyt na kredytnyja resursy ŭ biełaruskich rublach z boku karparatyŭnaha siektara, a cikavaść da pazyk u dalarach i jeŭra skaračaŭsia. I dynamika pierachodu na nacyjanalnuju valutu ŭzmacniajecca, u tym liku ŭ źniešniehandlovych raźlikach», — skazaŭ staršynia Nacbanka.
Kałaŭr ličyć, što heta pazityŭnaja źjava dla bankaŭskaj sistemy. Pamianšajecca vierahodnaść strat z-za sankcyj. Havorka pra tyja vypadki, kali valutu mohuć «zamarozić» na rachunku paśla «praduziata skrupuloznaha kampłajens-kantrolu» z boku zamiežnych bankaŭ.
«Restrykcyi hienierujuć i inšyja pieradumovy dla fors-mažornych abstavinaŭ. Pry pracy z nacyjanalnaj valutaj hetyja ryzyki vyklučajucca», — ličyć kiraŭnik Nacbanka.
Ahulnaja suma ŭkładaŭ u nacvalucie ŭ 2023 hodzie skłała 8,1 miljarda rubloŭ. Heta značyć ich dola ŭ cełym u depazitach bankaŭ Biełarusi dasiahnuła 45,6%. Siaredniaja suma ŭkładu ŭ biełaruskich rublach na 1 studzienia 2024 hoda skłała 11,8 tysiačy.
Bolšaść układčykaŭ (zvyš 96%) — heta rezidenty Biełarusi. U asnoŭnym heta pažyłyja ludzi abo starejšyja za 46 hadoŭ. Ahulnaja kolkaść układčykaŭ u krainie — bolš za miljon.
Čytajcie taksama:
Siaredni zarobak u studzieni śpikiravaŭ adrazu na 280 rubloŭ. Ale nie śpiašajciesia zasmučacca
Ministr handlu sprahnazavaŭ pamier inflacyi na hety hod. JEABR zavočna piarečyć
Popyt na valutnyja ŭkłady padaje, a prodažy nieruchomaści bjuć rekordy. U čym pryčyna?