Pucin pryhraziŭ udarami pa krainach Zachadu
«My pamiatajem los tych, chto nakiroŭvaŭ kaliści svaje kantynhienty na terytoryju našaj krainy».
29.02.2024 / 13:50
Fota: Kremlin.ru
Prezident Rasii Uładzimir Pucin u pasłańni Fiederalnamu schodu pryhraziŭ zachodnim krainam udarami ŭ adkaz u vypadku napadaŭ na terytoryju Rasii, piša «Mieduza».
Sa słoŭ Pucina, zachodnija krainy spravakavali kanflikt va Ukrainie, na Blizkim Uschodzie, i «praciahvajuć chłusić», zajaŭlajučy «biez usialakaj źbiantežanaści», što Rasija maje namier napaści na Jeŭropu.
«A pry hetym sami vybirajuć mety dla naniasieńnia ŭdaraŭ pa našaj terytoryi, vybirajuć najbolš efiektyŭnyja, jak jany dumajuć, srodki paražeńnia, zahavaryli ab mahčymaści adpraŭki na Ukrainu kantynhientu NATA», — skazaŭ Pucin.
«My pamiatajem los tych, chto nakiroŭvaŭ kaliści svaje kantynhienty na terytoryju našaj krainy. Ale ciapier nastupstvy dla mahčymych intervientaŭ buduć značna bolš trahičnymi. Jany pavinny razumieć, što ŭ nas taksama jość zbroja, jakaja moža paražać celi na ich terytoryi.
Usio, što jany prydumlajuć ciapier, čym pałochajuć uvieś śviet, usio heta realna pahražaje kanfliktam z vykarystańniem jadziernaj zbroi, a značyć źniščeńniem cyvilizacyi», — dadaŭ kiraŭnik Rasii.
Čytajcie taksama:
Pucin: Vajnu va Ukrainie padtrymała bolšaść nasielnictva. Usio dla frontu, usio dla pieramohi