Što viadoma pra zatrymanych architektaraŭ?
Na niekatorych zaviali kryminalnyja spravy.
04.03.2024 / 18:06
Pratesty na praśpiekcie Niezaležnaści. Fota: Wikimedia Commons
Surazmoŭcy «Našaj Nivy» kazali pra 40 zatrymanych architektaraŭ, a razam z členami ichnich siemjaŭ ličba dachodziła da 70 čałaviek.
Pa ŭdakładnienych źviestkach, zatrymlivalisia nie tolki architektary, ale i inšyja prajekciroŭšyki, što tłumačyć vialikuju ličbu zatrymanych.
Siarod paćvierdžanych «Našaj Nivaj» asobaŭ, zatrymanych u rejdach z 14 pa 16 lutaha, troje mužčyn pieraviedzieny ŭ SIZA №1 u miežach kryminalnaj spravy pavodle artykuła 342 KK «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
Jašče dvoje prajekciroŭšykaŭ atrymali pa 7 i 15 sutak i ŭžo vyjšli na volu. Los jašče adnoj architektarki, zatrymanaj 14 lutaha, dahetul nieviadomy.
U čas rejdu ŭ toj ža dzień taksama byli zatrymanaja siastra adnaho z architektaraŭ i žonka inšaha. Jany taksama ŭrešcie byli vyzvalenyja.
U časie pratestaŭ 2020 hoda architektary i dyzajniery prachodzili asobnaj kałonaj pa Minsku. Pavodle našaj infarmacyi, zdymki hetaj kałony mahli stać padstavaj dla zatrymańniaŭ prajekciroŭščykaŭ.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na nivanasha@proton.me. Abo lubomu redaktaru ci žurnalistu «Našaj Nivy», jakoha viedajecie asabista.
Čytajcie taksama:
U Minsku zatrymali kala 40 architektaraŭ
Biełaruska pierajechała ŭ Hrenłandyju, kab pracavać architektarkaj. Jak jano tam?
Kab zdać vydumany pradmiet, my na poŭnym surjozie prahladali RenTB — vypusknik BNTU