U Minsku anansavali «Motaršou-2024»: što viadoma
Stała viadoma, kali ŭ Biełarusi projdzie aŭtamabilnaja vystava «Motaršou-2024»: hałoŭny aŭtamabilny ivent hoda anansavany na 2-6 kastryčnika ŭ minskim futbolnym maniežy. Pra heta Office Life raspaviali ŭ Biełaruskaj aŭtamabilnaj asacyjacyi.
05.03.2024 / 09:58
«Aŭtaekspa-2023». Fota: Office Life
Kolki ŭdzielnikaŭ źbiare aŭtavystava (i ci buduć na joj «nieaficyjały»), a taksama jakija novyja brendy buduć pradstaŭleny, pakul u BAA nie mohuć adkazać. Zatoje abiacajuć, što ŭsie naviedvalniki zmohuć nie tolki pasiadzieć u kožnym aŭtamabili, ale i pry žadańni prateściravać ich na vulicach horada. Taksama na «Motaršou» buduć šyroka pradstaŭleny tavary i pasłuhi kalaaŭtamabilnaj tematyki — kredytavańnie, zapčastki, servis.
Letaś Biełaruskaja aŭtamabilnaja vystava nazyvałasia «Aŭtaekspa» i taksama prachodziła ŭ futbolnym maniežy. Tady aŭtasałon viarnuŭsia ŭ Biełaruś praz 10 hadoŭ.
Da ŭdziełu ŭ «Aŭtaekspa» ŭpieršyniu zaprasili nie tolki aŭtadyleraŭ — naohuł usich lehalnych apierataraŭ aŭtarynku, uklučajučy «nieaficyjałaŭ», u krainie. Struktura ekspazicyi za hetyja hady surjozna źmianiłasia: bolš za dźvie traciny ekspanataŭ — kitajskija marki, amal nie byli pradstaŭleny zachodnija vytvorcy, było vielmi šmat «zialonych» aŭtamabilaŭ.
Čytajcie taksama:
Ci zhnili Geely? Kolki kaštujuć i jak vyhladajuć patrymanyja biełaruska-kitajskija aŭto