Biełaruskaja tenisnaja fiederacyja naličyła škodu ad sankcyj — miljon jeŭra
«My prasili taksama razhledzieć varyjant ab kampiensacyi škody, jakuju my panieśli. U adkaz — cišynia», — kaža Siarhiej Rutenka.
05.03.2024 / 14:29
Staršynia Biełaruskaj tenisnaj fiederacyi Siarhiej Rutenka byŭ zorkaj biełaruskaha handbołu. Fota: Tut.by
Biełaruskaja tenisnaja fiederacyja za dva hady sankcyj paniesła straty — kala miljona jeŭra, zajaviŭ kiraŭnik arhanizacyi Siarhiej Rutenka žurnalistam padčas pres-kanfierencyi, piša «Sputnik».
Jon adznačyŭ, što padstava sabracca ŭ aŭtorak nie pazityŭnaja — vynik razhladu ŭ Spartyŭnym arbitražnym sudzie (CAS) apielacyi BTF da Mižnarodnaj fiederacyi.
«My chočam raskazać, jak heta adbyvałasia, i tyja fakty, parušeńni, jakija byli sudom vyjaŭlenyja, ale nijak nie byli pryciahnutyja da spravy», — skazaŭ Rutenka.
Jon padkreśliŭ, što Biełaruś uniesła vialiki ŭkład u raźvićcio suśvietnaha tenisa. Za minułyja dva hady BTF paniesła istotnyja straty z-za abmiežavańniaŭ.
«Kali my ŭžo havorym pra niejkuju škodu, naša ličba za dva hady nabližajecca da miljona jeŭra. My paprasili, u svaju čarhu, Mižnarodnuju fiederacyju pakryć naniesienuju nam škodu», — dadaŭ kiraŭnik arhanizacyi.
Pavodle jaho słoŭ, jana składajecca z pryzavych hrošaj, jakija pavinny byli atrymać biełaruskija kamandy, taksama byli pavialičany vydatki ŭ suviazi z tym, što respublika nie moža pravodzić u siabie turniry. Akramia taho, vyraśli vydatki na kamandziroŭki.
«My prasili taksama razhledzieć varyjant ab kampiensacyi škody, jakuju my panieśli. U adkaz — cišynia, prosta maŭčok i ničoha bolš pa sutnaści», — reziumavaŭ Rutenka.
***
Mižnarodnaja tenisnaja fiederacyja (ITF) z druhoj pałovy 2020 hoda nie davała dazvołu arhanizoŭvać junijorskija (da 18 hadoŭ) i prafiesijnyja turniry na terytoryi Biełarusi.
U 2022-m ITF admoviła ŭ praviadzieńni matčaŭ z kamandami Mieksiki i Bielhii. A 1 sakavika 2022 hoda Rada dyrektaraŭ MTF, spasyłajučysia na rekamiendacyi MAK, prypyniŭ u členstvie BTF i zabaraniŭ Biełarusi ŭdzielničać va ŭsich aficyjnych spabornictvach. Akramia taho, była pryniataja zabarona na praviadzieńnie mižnarodnych turniraŭ u Biełarusi, Respubliku vyklučyli z usich adukacyjnych prahram i prahram padtrymki spartsmienaŭ.
Biełaruś padała apielacyju ŭ Spartyŭny arbitražny sud u suviazi z hrubymi parušeńniami praviadzieńnia pracedury prypynieńnia siabroŭstva ŭ ITF. U vyniku 9 lutaha 2024 hoda paśla šmatrazovych pieranosaŭ terminaŭ pryniaćcia rašeńnia SAЅ pakinuŭ u sile rašeńnie ITF i apielacyju Biełaruskaj tenisnaj fiederacyi adchiliŭ.
Čytajcie taksama:
Łukašenka prydumaŭ łajfchak dla biełaruskich spartoŭcaŭ
Łatvijskaja tenisistka admoviłasia cisnuć ruku Viktoryi Azaranka paśla matču ŭ Dosie
Tenisist upieršyniu ŭ historyi vyjhraŭ turnir, prajhraŭšy pieršyja sety ŭsich matčaŭ