Mask zajaviŭ, što sacsietka X moža pierastać pakazvać kolkaść łajkaŭ i repostaŭ
Mask skazaŭ pra heta, vystupajučy 6 sakavika na kanfierencyi Morgan Stanley pa technałohijach, ŚMI i telekamunikacyjam. Jon ličyć, što takaja infarmacyja moža vizualna zahruvaščvać kantent na płatformie, piša «Mieduza».
07.03.2024 / 10:12
Padčas kanfierencyi Mask taksama paviedamiŭ, što X na praciahu niekalkich miesiacaŭ raźličvaje atrymać u Kalifornii i Ńju-Jorku licenziju na hrašovyja pieravody.
Raniej Mask kazaŭ, što ŭ karystalnikaŭ sacsietki ŭ budučyni źjavicca mahčymaść pieravodzić adzin adnamu hrošy — dla zapusku funkcyi ŭ ZŠA kampanija pavinna atrymać licenzii ŭ kožnym štacie.
U studzieni 2023 hoda vydańnie The Verge vypuściła rasśledavańnie, jak Iłan Mask pryvioŭ sacsietku X (raniej tvitar) u chaos.
Usiaho za try miesiacy, pisali žurnalisty, kampanija straciła šerah rekłamadaŭcaŭ, zvolniła nie mienš za pałovu supracoŭnikaŭ, u tym liku za krytyku novaha ŭładalnika, a taksama zabaraniła raspracoŭščykam stvarać i raźvivać alternatyvy aficyjnamu dadatku.
Čytajcie taksama:
Mask abvinavaciŭ u padpale na zavodzie Tesla ŭ Niamieččynie «tupych ekaterarystaŭ»
Iłan Mask straciŭ pieršuju pazicyju ŭ rejtynhu najbahaciejšych ludziej śvietu
Mask: Pieršy pacyjent ź impłantam Neuralink zdolny kiravać kampjutarnaj myškaj z dapamohaj dumak