Bieniedykt Kambierbetč sa sceny Albiert-choła ŭ Łondanie pračytaŭ list Alaksieja Navalnaha
Navalny napisaŭ jaho da treciaj hadaviny źniavoleńnia ŭ turmie.
07.03.2024 / 10:54
Fota: Markus Schreiber / AP
Videa vystupleńnia brytanskaha akciora apublikavała pres-sakratar palityka Kira Jarmyš, piša «Mieduza».
«Kali tvaje pierakanańni čahości vartyja, ty pavinien być hatovy pastajać za ich. I kali treba, pajści na niejkija achviary. A kali nie hatovy, to i pierakanańniaŭ u ciabie nijakich niama. Tabie prosta zdajecca, što jany jość. Ale heta nie pierakanańni i pryncypy, a tak — dumki ŭ hałavie», — skazana ŭ pasłańni Navalnaha.
Kambierbetč pračytaŭ list na mierapryjemstvie prajekta Letters Live, u ramkach jakoha znakamitaści sa sceny čytajuć pasłańni inšych ludziej.
List da treciaj hadaviny viartańnia Navalnaha ŭ Rasiju byŭ apublikavany 17 studzienia 2024 hoda — praktyčna za miesiac da taho, jak palityk zahinuŭ u kałonii VK-3 «Palarny voŭk» u Jamała-Nienieckaj akruhi.
Čytajcie taksama:
Ała Puhačova apublikavała post paśla śmierci Navalnaha
U Rasii vydalili spasyłki na trek Vasi Abłomava, pryśviečany Navalnamu
U Maskvie raźvitalisia z Alaksiejem Navalnym. Ludzi skandavali: «Pucin — zabojca!»