Над Валгаградскай вобласцю збілі 15 беспілотнікаў — Мінабароны Расіі
8.03.2024 / 7:58
Міністэрства абароны Расіі заявіла, што ў ноч на пятніцу над расійскай тэрыторыяй былі збітыя 15 украінскіх беспілотнікаў, 14 з іх — над Валгаградскай вобласцю.
Адзін беспілотнік, як сцвярджае міністэрства, збіты над прымежнай Белгародскай вобласцю.
Ні пра наступствы на зямлі, ні пра якія-небудзь іншыя дэталі міністэрства не паведамляе.
Валгаградская вобласць не мяжуе з Украінай, ад яе мяжы да бліжэйшага пункта, кантраляванага законнымі ўладамі Украіны — больш за 300 кіламетраў.
Чытайце таксама:
Беспілотнік атакаваў металургічны завод у расійскім Чарапаўцы. Домна выведзена «ў планавы рамонт»
Беспілотнікі паспяхова атакавалі горна-абагачальны камбінат у Курскай вобласці