Латвія заклікала грамадзян адмовіцца ад паездак у Расію
Латвійцаў, якія знаходзяцца ў Расіі, МЗС просіць пакінуць яе тэрыторыю як мага хутчэй.
08.03.2024 / 15:07
Міністэрства замежных спраў Латвіі заклікала суграмадзян адмовіцца ад паездак у Расію, піша Delfi.
Латвійцаў, якія знаходзяцца ў Расіі, МЗС папрасіў пакінуць яе тэрыторыю як мага хутчэй ці хаця б пазбягаць масавага патоку людзей.
Раней з такой жа перасцярогай да сваіх грамадзян выступілі знешнепалітычныя ведамствы ЗША і Вялікабрытаніі.
Заклік пакінуць тэрыторыю Расіі тлумачыцца імавернасцю тэрактаў цягам двух сутак.