U Rasii studentu dali 10 sutak za toje, što jon nazvaŭ Wi-Fi «Słava Ukrainie»
Pryładu paličyli srodkam učynieńnia pravaparušeńnia i kanfiskavali.
11.03.2024 / 08:37
Student Maskoŭskaha dziaržaŭnaha ŭniviersiteta nazvaŭ svoj Wi-Fi u internacie «Slava Ukraine!». Jaho aryštavali na 10 sutak, a roŭtar kanfiskavali, paviedamlaje telehram-kanał «Ostorožno, novosti».
22-hadovy student MDU Aleh T. žyvie ŭ internacie, u 2022 hodzie chłopiec chadziŭ na antyvajennyja mitynhi. 6 sakavika palicyja znajšła ŭ jaho internacie sietku pad nazvaj «Slava Ukraine!» — uładalnika roŭtara znajšli, u jaho pakoi praviali ahlad. Supracoŭniki centra «E» vyśvietlili, što ŭ kastryčniku Aleh kupiŭ novy roŭtar i pry padklučeńni stvaryŭ sietku pad takoj nazvaj.
Na studenta skłali pratakoł pa artykule ab publičnym demanstravańni ekstremisckaj simvoliki (KaAP RF 20.3) — pakolki hety łozunh naležaŭ ukrainskim nacyjanalistam, a ich dziejnaść u Rasii zabaroniena.
U sudzie Aleh pryznaŭ, što sietku jon naładziŭ sam, sudździa adpraviła jaho pad aryšt.
Alehu dali 10 sutak, pry hetym roŭtar paličyli pryładaj učynieńnia pravaparušeńnia i kanfiskavali. U vypadku paŭtornaha takoha parušeńnia studentu moža pahražać kryminalnaja sprava.
Čytajcie taksama:
Pucin abmiarkoŭvaŭ abmien Navalnaha ŭsiaho za niekalki hadzin da jaho hibieli
U Karelii FSB zabiła biełarusa. Jaho zapadozryli ŭ padrychtoŭcy dyviersii
Žančyna ź Jekaciarynburha zadanaciła ŭkraincam 50 dalaraŭ. Joj pahražaje da 20 hadoŭ turmy