Паліну Шарэнду-Панасюк у лютым змяшчалі ў ШІЗА
Пра гэта яе муж даведаўся ад экс-зняволенай калоніі №24.
11.03.2024 / 11:48
Актывістку Паліну Шарэнду-Панасюк у лютым змяшчалі ў ШІЗА. Верагодна, на 20 сутак. Пра гэта «Медыязоне» расказаў муж зняволенай Андрэй.
Пра тое, што актывістку змяшчалі ў ШІЗА, Шарэнда даведаўся ад экс-зняволенай калоніі №24.
«З яе словаў, Паліна прабыла ў атрадзе пасля карантыну прыкладна 2-3 тыдні. У канцы студзеня — пачатку лютага яе кінулі ў ШІЗА. У атрадзе яна з'явілася толькі ў самым канцы лютага, выглядала вельмі бледнай і схуднелай. Увесь гэты час Паліна была ў ШІЗА, імаверна 20 сутак. У пачатку сакавіка Паліна ізноў знікла з атраду, але куды дакладна — невядома», — расказаў Андрэй.
Паліну Шарэнду-Панасюк затрымалі ў студзені 2021 года, суд прысудзіў яе да двух гадоў калоніі паводле артыкулаў пра абразу Лукашэнкі, прадстаўніка ўлады і гвалт альбо пагрозу гвалтам міліцыянту (артыкулы 369, 368 і 364 КК).
Яна павінна была выйсці на волю ў 2022 годзе, аднак яе асудзілі па артыкуле аб непадпарадкаванні адміністрацыі калоніі (артыкул 411 КК) і дадалі год да тэрміну. Другі раз родныя чакалі Паліну на волі 6 жніўня 2023 года, аднак яе зноў прысудзілі да года калоніі па тым жа артыкуле.
Чытайце таксама:
«Гэта першы званочак». Да Паліны Шарэнды-Панасюк не пусцілі адваката
«Як сапраўдны цуд на Каляды». Сям’я атрымала паштоўку ад Паліны Шарэнды-Панасюк
Супраць Вікторыі Кульшы хочуць завесці трэцюю запар крыміналку за «непадпарадкаванне адміністрацыі»