Coca-Cola vyrašyła zastavacca na biełaruskim rynku
Karparacyja The Coca-Cola Company ŭ pačatku hetaha hoda praciahnuła licenzijnuju damovu z kampanijaj «Koka-Koła Bieŭrydžyz Biełaruś». Infarmacyja pra heta źmiaščajecca ŭ biuleteni Nacyjanalnaha centra intelektualnaj ułasnaści Biełarusi.
15.03.2024 / 22:43
Fota: Piman Khrutmuang / vecteezy.com
U studzieni hetaha hoda The Coca-Cola Company prałanhavała dziejnuju z 2014 hoda licenzijnuju damovu z daččynaj strukturaj «Koka-Koła Bieŭrydžyz Biełaruś», jakaja pracuje na biełaruskim rynku. Termin dziejańnia dakumienta praciahnuli (ź niekatorymi źmienami pieraliku tavarnych znakaŭ) da 31 śniežnia 2033 hoda.
Taksama da 31 śniežnia 2033 hoda anałahičnyja pahadnieńni z «Koka-Koła Bieŭrydžyz Biełaruś» prałanhavała daččynaja struktura The Coca-Cola Company — Schweppes Holdings.
Da viasny 2022 hoda Coca-Cola HBC pracavała i na rasijskim rynku. Ale z pačatkam uvarvańnia Rasii va Ukrainu kampanija spačatku zajaviła ab prypynieńni pracy, a potym i ab spynieńni vytvorčaści dy prodažaŭ svaich brendaŭ (za vyklučeńniem sokaŭ) u Rasii.
Čytajcie taksama:
U «Koka-Koły» ŭpieršyniu za niekalki hadoŭ źjavicca novy smak