Шэф-кухар мінскай гімназіі назваў пяць любімых страў школьнікаў
Загадчык вытворчасці ў сталовай мінскай гімназіі №8 Барыс Савіцкі распавёў пра смакавыя перавагі школьнікаў і назваў іх любімыя стравы, піша sb.by.
18.03.2024 / 14:47
Blizko.by
У топ-5 такіх страў увайшлі:
- пельмені са смятанай і таматавым соусам;
курачка «Пікантная»;
шашлычок «Школьны» з курынага філе на шпажках;
таматавы суп з фасоляй;
плоў са свінінай.
Барыс Саўрыцкі таксама падзяліўся сакрэтамі прафесійнага майстэрства і распавёў, як гатаваць некаторыя з пералічаных страў.
Напрыклад, курачку «пікантную» трэба рабіць так: рыхтуем мякаць сцягна куранят, пасыпаем соллю, папрыкай, сушанай пятрушкай, дадаем смятану і здробнены часнык.
Затым атрыманую масу змешваем і пакідаем марынавацца ў халадзільніку на 30-40 хвілін. Наступны крок — абсмажваем курачку на патэльні з алеем каля 3-5 хвілін і даводзім да гатоўнасці ў духоўцы.
Рэцэпт таматнага супу з фасоляй наступны: бульбу рэжам бруском або кубікам, здрабняем часнык, рэжам моркву на буйной тарцы і пасеруем на алеі.
Далей закладваем у кіпячую ваду бульбу, праз 10-15 хвілін дадаем моркву. За пяць хвілін да гатоўнасці ў суп адпраўляем кансерваваную фасолю ў таматным соусе, сечаны часнык, сушаную пятрушку і лаўровы ліст.
Дарэчы, высветлілася, што больш за ўсё мінскія школьнікі не любяць стравы з рыбы. Па словах спецыяліста, хлопцы пачынаюць разумець іх смак толькі бліжэй да старэйшых класаў.
Чытайце таксама:
На МАЗе стварылі фудтрак для Mak.by, каб ездзіць па Дажынках
У Беларусі выпусцілі сухія дранікі. Што гэта такое?
У беларускіх крамах з'явіўся прадукт амаль па 1000 рублёў за кілаграм