Litva pastrožyła kantrol za zbožžam ź Biełarusi i Rasii
Z 18 sakavika ŭ Litvie ŭviali strohi kantrol za zbožžam, što ŭvozicca na terytoryju krainy z Rasii, akupavanych joju rehijonaŭ inšych dziaržaŭ i Biełarusi, paviedamlaje LRT.
18.03.2024 / 16:36
Zdymak ilustracyjny
U suviazi z uzmocnienym kantrolem buduć praviarać kožny vahon abo transpartny srodak sa zbožžam impartnaj vytvorčaści, pryznačanym jak dla litoŭskaha rynku, tak i dla ekspartu praz Kłajpiedski port.
U najbližejšy čas buduć pryniatyja novyja rašeńni pa jašče bolš strohim kantroli — tady buduć praviarać i pachodžańnie zbožža, jakoje pieravoziać praź Litvu, paviedamiła Ministerstva sielskaj haspadarki hetaj krainy.
«Ministerstva sielskaj haspadarki ŭ adkaz na infarmacyju ab realizacyi zbožža, kanfiskavanaha Rasijaj na akupavanych terytoryjach, praz party Bałtyjskaha mora, terminova pryniało miery pa ŭzmacnieńni kantrolu za zbožžam, što ŭvozicca z Rasii i inšych krain padvyšanaj ryzyki», — havorycca ŭ zajavie ministra sielskaj haspadarki Litvy Kiastucisa Navickasa.
Pakul buduć praviarać tolki furažnaje zbožža, a pracedura pravierki charčovaha zbožža pavinna ŭstupić u siłu krychu paźniej.
Čytajcie taksama:
Polšča moža ŭvieści embarha na sielskahaspadarčuju pradukcyju ź Biełarusi i Rasii
Čaho chočuć jeŭrapiejskija fiermiery?
Łatvija zabaraniła ŭvoz sielhaspradukcyi ź Biełarusi i Rasii
Varšava vybačyłasia pierad Ukrainaj za vysypanaje zbožža na miažy