Strymiera i hałoŭnaha redaktara ixbt.games Vitala Kazunova aryštavali na 10 sutak
Pra pakarańnie 10 sutkami paviedamiŭ kanał siłavikoŭ. Artykuł, pa jakim aryštavany błohier, nie nazyvajecca.
19.03.2024 / 12:45
Pra zatrymańnie Kazunova stała viadoma 18 sakavika. Na milicejskim videa jon raspavioŭ, što ŭ 2020 hodzie ŭ fejsbuku pastaviŭ avatarku ź bieł-čyrvona-biełym ściaham. U 2017 hodzie jon apublikavaŭ fatahrafiju ź ciemnaskuraj dziaŭčynaj u nacysckaj formie.
Siońnia kanał siłavikoŭ napisaŭ, što jany «adekvatna aceńvajuć dziejnaść błohiera, uličvajuć terminy daŭniny i kantekst publikacyi, nie nakiravany na prapahandu nacyzmu», tamu Kazunoŭ «moža być vyzvaleny ad adkaznaści za svastyku».
Pavodle siłavikoŭ, Kazunoŭ «bolš nie hulaje ŭ BČB-hulni», ale «luboje raskajańnie lepš padmacoŭvajecca pakarańniem u 10 sutak», — napisali siłaviki ŭ kanale.
Vital Kazunoŭ — strymier na jutub-kanale z ahladami hulniaŭ i hałoŭny redaktar sajta ixbt.games. Na kanał padpisana 469 tysiač čałaviek.
Čytajcie taksama: