Małdova vysyłaje supracoŭnika rasijskaha pasolstva
Pryčyna — arhanizacyja vybaraŭ prezidenta Rasii ŭ Prydniastroŭi.
19.03.2024 / 13:23
Pasolstva Rasii ŭ Kišyniovie. Fota: pasporta.org
Ministerstva zamiežnych spraŭ (MZS) paviedamiła 19 sakavika, što vyklikała pasła Rasii ŭ Małdovie Aleha Vaśniacova. Dypłamatu vykazali pratest suprać arhanizacyi vybaraŭ prezidenta Rasii na terytoryi Prydniastroŭja i zajavili pra toje, što adnaho z supracoŭnikaŭ pasolstva RF abviaścili piersonaj non hrata na terytoryi Małdovy, piša Newsmaker.md.
Jon pavinien pakinuć krainu.
U Prydniastroŭi 17 sakavika biez zhody Kišyniova adkryli šeść učastkaŭ dla hałasavańnia na vybarach prezidenta Rasii. U vyniku, pavodle paviedamleńnia miascovych uładaŭ, na ŭčastkach, adkrytych u Ciraspali, Benderach, Rybnicy i Hryharyjopali 97% vybarščykaŭ prahałasavali za Uładzimira Pucina.
Raniej MZS Małdovy vyklikała na kansultacyi pasła Rasii ŭ Kišyniovie Aleha Vaśniacova, jakomu vykazała niezadavalnieńnie ŭ suviazi z pastanovaj ambasady RF adkryć vybarčyja ŭčastki ŭ prydniastroŭskim rehijonie.
Čytajcie taksama:
«Sprava ab spadarožnikavych talerkach». Małdova vysyłaje 45 čałaviek z pasolstva Rasii
Francyja padpisała abaronnuju damovu z Małdovaj na fonie pahroz z boku Rasii