Na vybarach u Rasii žančyna zajšła na ŭčastak na kaleniach i pačała ŭkidvać biuleteni
Potym da jaje dałučyłasia inšaja žančyna.
20.03.2024 / 15:11
U internecie źjaviłasia videa, na jakim žančyna na kaleniach uvachodzić u pakoj sa skryniaj dla biuleteniaŭ i pačynaje ŭkidvać biuleteni, paviedamlaje «Ahienctva».
Na kaleniach jana zajšła, kab, mahčyma, nie patrapić u pole zroku kahości, chto moža być u susiednim pamiaškańni. U adnym z hetych pamiaškańniaŭ siadzić achoŭnik, ale jon, zdajecca, bačyć žančynu.
Pamiaškańnie padobna na vybarčy ŭčastak №2 u škole №260 u Sankt-Pieciarburhu.
Na hetym učastku Uładzimir Pucin atrymaŭ 74,85%, Mikałaj Charytonaŭ — 11,72%, Leanid Słucki — 4,24%, Uładzisłaŭ Davankoŭ — 4,04. Jaŭka skłała 69,52 pracenta.
Čytajcie taksama:
Što aznačajuć 87% Pucina dla rasijskaj apazicyi, śvietu i pierśpiektyŭ Biełarusi