Što viadoma pra dyrektarku Liceja BDU, jakaja prapanavała pieranazvać jaho ŭ imia Fieliksa Dziaržynskaha
Taćciana Mamčyc vučyłasia na fiłałahičnym fakultecie BDU, ale amal adrazu apynułasia ŭ Instytucie KDB.
21.03.2024 / 01:28
Taćciana Mamčyc. Fota: mlyn.by
Taćcianie Mamčyc 51 hod, rodam jana ź Lidy. Baćki ŭ Taćciany samyja zvyčajnyja — maci pracavała ŭ Lidskaj rajonnaj balnicy, a baćka cieślarom. Muž žančyny pracavaŭ achoŭnikam. Zhodna z bazami «Kibierpartyzanaŭ», na 2020-y byŭ biespracoŭnym.
U 1995-m Mamčyc skončyła fiłfak BDU, ale amal adrazu apynułasia ŭ Instytucie nacyjanalnaj biaśpieki, dzie rychtujuć kadebistaŭ. Zhodna z bazami «Kibierpartyzanaŭ», na 2013-y jana była načalnikam piedahahičnaha adździeła ŭstanovy.
Na momant pieravodu ŭ Licej BDU Mamčyc zajmała pasadu načalnicy mietadyčnaj častki Instytuta nacyjanalnaj biaśpieki.
Taćciana Mamčyc. Fota: lyceum.by
Ideja pierajmienavańnia liceja ŭ imia Dziaržynskaha, imavierna, užo daŭno prasoŭvajecca KDB. Uvosień 2022-ha ŭ licei prajšoŭ konkurs «Pieršy siarod roŭnych», dzie liceistam prapanavali namalavać komiks pra Dziaržynskaha, z metaj papularyzavać prafiesiju čekista.
Farmalna Liceju BDU chočuć nadać imia Dziaržynskaha pa prośbie vykładčykaŭ. Nieviadoma, jakija čynam byli sabranyja podpisy vykładčykaŭ u padtrymku hetaj inicyjatyvy i nieviadoma, ci dobraachvotna heta adbyvałasia. Prynamsi da prychodu Mamčyc na pasadu takich inicyjatyvaŭ ad ich nie było.
Čytajcie taksama:
Eks-dyrektar Liceja BDU pra nadańnie imia Dziaržynskaha: Duchu liceja tam užo niama
Liceju BDU źbirajucca prysvoić imia Dziaržynskaha
Bijahrafija Dziaržynskaha bolš natchniaje na bunt, čym na «achranicielstva»