Jeŭrapiejski sud źniaŭ sankcyi z «Biełšyny»
Jeŭrapiejski sud źniaŭ sankcyi z AAT «Biełšyna», uviedzienyja ŭ śniežni 2021 hoda. Rašeńni apublikavanyja na sajcie suda, piša Reform.by.
20.03.2024 / 15:36
Fota: Biełšyna
Sud pastanaviŭ vyklučyć «Biełšynu» z sankcyjnaha śpisu, bo Rada ES nie daviała, što pradpryjemstva źjaŭlajecca istotnaj krynicaj dachodu dla režymu Łukašenki i pravodziła represii suprać supracoŭnikaŭ.
Prymajučy rašeńnie ab sankcyjach u 2021 hodzie, Jeŭrapiejski sud adznačaŭ, što heta adno ź viadučych dziaržaŭnych pradpryjemstvaŭ Biełarusi, bujny vytvorca aŭtamabilnych šyn, istotnaja krynica dachodaŭ dla režymu Łukašenki. Supracoŭnikaŭ «Biełšyny», jakija pratestavali i bastavali napiaredadni prezidenckich vybaraŭ u Biełarusi ŭ 2020 hodzie, zvolnili. Takim čynam, «Biełšyna» niasie adkaznaść za represii suprać hramadzianskaj supolnaści, abhruntoŭvaŭ sud svajo rašeńnie.
Raniej paviedamlałasia, što źniatyja sankcyi z honščyka «Formuły-1» Mikity Maziepina, syna aliharcha biełaruskaha pachodžańnia Dźmitryja Maziepina. Sud pryjšoŭ da vysnovy, što jaho siamiejnaja suviaź z baćkam źjaŭlajecca niedastatkovaj padstavaj dla ŭviadzieńnia sankcyj.
Čytajcie taksama:
Sud ES źniaŭ sankcyi z byłoha honščyka «Formuły-1» biełaruskaha pachodžańnia
Zaviali kryminalnuju spravu ŭ adnosinach pradstaŭnikoŭ Narodnych pasolstvaŭ i «Biełarusaŭ zamiežža»