У Мінску і ваколіцах ад сёння пачынаюць прадаваць бярозавік. Цана проста смешная
Аднак пра наяўнасць у продажы лепш загадзя ўдакладніць па тэлефоне.
21.03.2024 / 09:02
Купіць напой можна будзе штодня з 10:00 да 19:00 на тэрыторыі лясгаса па вуліцы Баграціёна, 70, піша Blizko.by.
Калі пакупнік прынясе сваю тару, то літр бярозавага соку абыйдзецца яму ў 49 капеек. А напой, разліты работнікамі ў 5-літровыя ПЭТ-бутэлькі, будзе каштаваць 4,61 рубля.
У Мінскім лясгасе папярэдзілі, што рух сокаў залежыць ад надвор'я, а сезон нарыхтоўкі доўжыцца не больш за два тыдні. Таму пра наяўнасць у продажы бярозавіку лепш загадзя ўдакладніць па тэлефоне 8 (017) 350-64-31.
Дарэчы, купіць напой можна будзе і ў лясніцтвах Мінскага лясгаса:
- Валмянскае лясніцтва (Дзяржынскі раён, в. Скірмантава);
- Дзяржынскае лясніцтва (Дзяржынск, 1-ы зав. Пратасава, Д. 4);
- Заслаўскае лясніцтва (Заслаўе, вул. Набярэжная, 43);
- Кайкаўскае лясніцтва (Мінскі раён, Кайкава, п/а Міханавічы, 103);
- Навасельскае лясніцтва (Мінскі раён, в. Наваселле, вул. Лясная, 1);
- Путчынскае доследна-вытворчае лясніцтва (Дзяржынскі раён, а/г. Путчына, вул. Паўночная, 21);
- Станькаўскае лясніцтва (Дзяржынскі раён, в.Станькава вул. М. Казея, 2).
Чытайце таксама:
Хутка пойдзе бярозавік. Чым ён карысны і як яго правільна збіраць?