Ігару Карнею прысудзілі тры гады калоніі
Экс-журналіста затрымалі ўлетку.
22.03.2024 / 13:03
Фота: СТВ
Суддзя Сяргей Кацар прысудзіў Карнею тры гады зняволення ў калоніі агульнага рэжыму і штраф 20 тысяч рублёў, піша Радыё Свабода.
Журналіста абвінавацілі ва «ўдзеле ў экстрэмісцкім фармаванні» паводле ч. 3 арт. 361-1 КК. З прапагандысцкіх СМІ раней стала вядома, што яго пераследавалі за супрацоўніцтва з Беларускай асацыяцыяй журналістаў (БАЖ).
56-гадовага Ігара Карнея затрымалі раніцай 17 ліпеня 2023 года пасля ператрусу ў ягонай кватэры.
Спачатку яму прызначылі адміністрацыйны арышт, але на волю ён не выйшаў — з Акрэсціна Ігара перавялі ў СІЗА ў межах крымінальнай справы за ўдзел у экстрэмісцкім фармаванні (ч.3, арт. 361).
Справу разглядаў суддзя Сяргей Кацар. Ігару Карнею пагражала да шасці гадоў калоніі.
Яго жонка і дочкі выехалі з Беларусі на Азорскія выспы.
Чытайце таксама:
Жонка і дачка арыштаванага журналіста Ігара Карнея з'ехалі ў Партугалію
Словы падтрымкі, якія працуюць, а якія не — меркаванне жонкі затрыманага