MZS Tadžykistana nazvaŭ fejkam infarmacyju ab datyčnaści hramadzian respubliki da teraktu ŭ Padmaskoŭi
Raniej paviedamlałasia, što ŭ Branskaj vobłaści niepadalok ad miažy ź Biełaruśsiu zatrymali dvuch hramadzian Tadžykistana, jakija mohuć datyčnyja da teraktu u «Krokus Sici Chole» ŭ piatnicu, u jakim zahinuła 83 čałavieki.
23.03.2024 / 10:17
AHN «Maskva»
MZS Tadžykistana nazvaŭ fejkam infarmacyju ab datyčnaści hramadzian respubliki da teraktu ŭ Padmaskoŭi
«Padkreślivajem, što tadžykski bok nie atrymlivaŭ ad aficyjnych uładaŭ Rasii paćvierdžańnia ab cyrkulavanaj fejkavaj infarmacyi ab datyčnaści hramadzian Tadžykistana. U suviazi z hetym prosim abapiracca na aficyjnuju infarmacyju, jakaja raspaŭsiudžvajecca dziaržaŭnymi orhanami Rasii. Varta mieć na ŭvazie, što raspaŭsiudžvańnie niepravieranaj i niedakładnaj infarmacyi moža nanieści škodu hramadzianam Tadžykistana, jakija znachodziacca ciapier za miežami krainy», — paviedamiła MZS hetaj siaredniaazijackaj respubliki.
Raniej Baza paviedamiła, što ŭ Branskaj vobłaści zatrymali aŭtamabil z šaściu čałaviekami, čatyrom udałosia źbiehčy. Nibyta jany źjaŭlajucca hramadzianami Tadžykistana i mohuć być datyčnyja da teraktu ŭ «Krokus Sici Chole».
Čytajcie taksama:
Dvaich padazravanych u napadzie na «Krokus Sici Choł» zatrymali kala biełaruskaj miažy
Terakt u «Krokus Sici Chole» pad Maskvoj. Što viadoma na 8:30 ranicy
Pieršyja fota z «Krokus Sici Choła» paśla ŭvachodu ratavalnikaŭ