Здарэнні

У Смаргоні 15-гадовы хлопец патануў у ванне, калі ўсе былі дома

Трывогу забіла маці.

Фота: newgrodno.by

У Смаргоні ў ванне патануў падлетак. Праз тыдзень яму павінна было споўніцца 16 гадоў, паведамляе тэлерадыёкампанія «Гродна».

«Ніхто і ўявіць сабе не мог, што такое магло здарыцца, — расказаў прадстаўнік «Таварыства выратавання на водах Сяргей Вінаградаў. — Усе былі дома».

Пазней трывогу забіла маці, і сына выявілі мёртвым. 

Сям'я характарызуецца станоўча. Сам хлопец меў вялікія поспехі ў вучобе. 

Разам з тым гэта ўжо чацверты выпадак з пачатку года ў Гродзенскай вобласці з аналагічным утапленнем у хатніх умовах.

Чытайце таксама:

У Мінскім раёне патануў хлопчык

Каля Нацыянальнай бібліятэкі патануў мужчына

«Я б усё аддала, каб вярнуцца ў той дзень». Вынеслі прысуд трэнерцы, падчас заняткаў у якой патанула дзіця

Каментары да артыкула