Na papularnym litoŭskim kurorcie škadujuć, što da ich pierastali jeździć biełarusy
U Druskienikach zaćvili narcysy, ale z turyzmam tam biada.
30.03.2024 / 15:19
Fota: Wikimedia Commons
Śviata ćvicieńnia narcysaŭ Druskieniki płanujuć adznačać praź miesiac, ale sioleta z-za rańniaj viasny narcysy zaćvili ŭ kancy sakavika, piša Delfi.lt.
U vielikodnyja vychodnyja na kurorcie adbuducca mierapryjemstvy prahramy Art Velykos, jakija mohuć naviedać turysty, a padčas prahułak jany mohuć atrymlivać asałodu ad narcysaŭ.
Voś tolki biełarusy pierastali jeździć na kurort.
«Paśla zakryćcia KPP Rajharad (ź biełaruskaha boku — Pryvałka la Hrodna) da nas nie pryjazdžajuć biełarusy, a ich było bolš za ŭsich. Kala kožnaj haścinicy ŭ vychodnyja stajali vialikija čornyja raskošnyja aŭtamabili ź biełaruskimi numarami, ciapier ich niama. Chto ž pajedzie da nas z Hrodna praź Miedzininkaj, heta vialiki kruk», — skazała byłaja rabotnica sanatoryja, a ciapier piensijanierka Alena.
Z šaści punktaŭ propusku na biełaruska-litoŭskaj miažy zastalisia dva.
Čytajcie taksama:
Kvitkoŭ na aŭtobusy ź Biełarusi ŭ Litvu nie dakupicca. Kolkaść rejsaŭ skaračajecca, ceny rastuć
Bujny pieravozčyk raskazaŭ, što z aŭtobusami ŭ ES paśla zakryćcia «Katłoŭki» i «Pryvałki»