Zorku zbornaj Niamieččyny i madrydskaha «Reała» abvinavacili ŭ isłamiźmie z-za padniataha palca
Śpiecsłužby Niamieččyny nazyvajuć hety žest «palcam IDIŁ» i rasceńvajuć jaho jak prykmietu isłamizmu.
30.03.2024 / 16:07
Antonia Rudzihier. Fota: Manu Fernandez / AP
31-hadovy abaronca zbornaj i madrydskaha «Reała» Antonia Rudzihier vyznaje isłam. Da nastupleńnia miesiaca Ramadan jon apublikavaŭ u sacsietkach fota na malitoŭnym kilimku z padniatym uvierch palcam.
«Niachaj Usiavyšni prymie naš post i malitvy», — napisaŭ jon. Niamiecki žurnalist Juljan Rajchielt (były hałoŭred Bild) napisaŭ u X, što śpiecsłužby Niamieččyny nazyvajuć hety žest «palcam IDIŁ» i rasceńvajuć jaho jak prykmietu isłamizmu.
Advakaty Rudyhiera i Niamieckaha futbolnaha sajuza padali na Rajchielta ŭ sud.
Pa ich słovach, jon pakazaŭ žest, jaki mnohija musulmanie ličać simvałam tauchida – isłamskaha dahmatu ab adzinym bohu Ałachu.
U adkaz na zapyt Bild u MUS Niamieččyny i ekśpiertnaj supolnaści zajavili, što sam pa sabie tauchid i padniaty ŭvierch palec nie źjaŭlajucca ekstremizmam. Ale bajeviki sapraŭdy časta ich vykarystoŭvajuć.
Sam Rudyhier zajaviŭ, što «hvałt i teraryzm absalutna nieprymalnyja, ja za mir i talerantnaść».
Čytajcie taksama:
Były trenier bresckaha «Dynama» pryznaŭsia, što tracić u Maskvie da 500 jeŭra za miesiac
Biełaruski futbalist pataptaŭsia na druhim, 17-hadovym. Stała viadoma, jak jaho pakarali
Hruzija vyjšła na čempijanat Jeŭropy pa futbole. I heta miehasiensacyja