Rasija patrabuje, kab Ukraina aryštavała kiraŭnika SBU
U MZS Rasii zajavili, što patrabujuć aryštu asob, jakija majuć dačynieńnie da terarystyčnaj dziejnaści.
31.03.2024 / 19:54
Vasil Maluk. Fota: SBU
U pryvatnaści — kiraŭnika ŭkrainskaj Słužby biaśpieki Vasila Maluka.
MZS RF vinavacić Ukrainu ŭ terarystyčnaj dziejnaści. Tak, rasijski bok śćviardžaje, što znajšoŭ «ŭkrainski śled» u terakcie ŭ «Krokus Sici Chole», zabojstvie Darji Duhinaj, Uładlena Tatarskaha, padryvie Krymskaha mosta.
«U suviazi z hetym MZS Rasii pieradało ŭładam Ukrainy patrabavańni ŭ ramkach Mižnarodnaj kanviencyi ab baraćbie z bombavym teraryzmam i Mižnarodnaj kanviencyi ab baraćbie ź finansavańniem teraryzmu ab nieadkładnym aryšcie ŭsich datyčnych da hetych teraktaŭ asob. Siarod hetych patrabavańniaŭ — aryšt kiraŭnika SBU V. Maluka, jaki cynična pryznaŭ 25 sakavika arhanizacyju Ukrainaj padryvu Krymskaha mosta ŭ kastryčniku 2022 hoda i raskryŭ detali arhanizacyi inšych teraktaŭ u Rasiejskaj Fiederacyi», — havorycca ŭ zajavie.
Čytajcie taksama:
«Rasija — heta bienzakałonka z armijaj. I my majem namier źniščyć hetuju bienzakałonku»