U Minzdaroŭja raskazali, ad jakich viasnovych hryboŭ lepš admovicca
1.04.2024 / 14:27
Pieršyja prykmiety atručvańnia zvyčajna vyjaŭlajucca praz 6-12 hadzin, a byvaje i raniej.
— Navat kali ŭ vašych starych pavaranych knihach sustrakajecca šmat receptaŭ sa stračkami, ad straŭ ź imi lepš usio ž taki admovicca. Sučasnyja mikołahi śćviardžajuć, što ŭ stračkach źmiaščajecca mocny jad hiramitryn, jaki nie źniščajecca i nie pierachodzić u advar navat pry praciahłym ich kipiačeńni, — padkreślivajuć u Ministerstvie achovy zdaroŭja.
Anałahičnaje i sa smaržkami: kali nie pravaryć, jany buduć utrymlivać hiemalityčny jad monamietyłhidrazin.
Pa danych Ministerstva achovy zdaroŭja, za minuły hod u Biełarusi vyjaŭlena 68 vypadkaŭ atručvańnia hrybami, paciarpieŭ 81 čałaviek. Na žal, čatyry vypadki apynulisia śmiarotnymi.
Pieršyja prykmiety atručvańnia smaržkami zvyčajna vyjaŭlajucca praz 6-12 hadzin paśla ich užyvańnia. Ale ŭ dziaciej i pacyjentaŭ z zachvorvańniami ŽKT nastupstvy mohuć nastupić raniej — praz 2 hadziny. U takich situacyjach treba nieadkładna vyklikać chutkuju dapamohu, piša Blizko.by.
U viedamstvie dali niekalki paradaŭ, jakija dapamohuć paźbiehnuć atručvańnia hrybami:
- — umieć adroźnivać vidy hryboŭ i źbirać zahadzia tolki jadomyja, jakija nie vyklikajuć sumnieńniaŭ;
- — adrazu ž pierabirać i sartavać dary lesu, pryčym rabić heta pavinny vyklučna darosłyja;
- — umoŭna jadomyja hryby treba minimum dvojčy advarvać. Abodva razy paśla vareńnia varta pramyvać pradukt pratočnaj vadoj;
Baćkam varta vyklučyć hryby z racyjonu dziaciej, taksama nie varta radavać siabie imi i ludziam z chvarobami piečani i abmienu rečyvaŭ, pažyłym ludziam.
Čytajcie taksama:
Mahiloviec atruciŭsia nastojkaj z muchamoraŭ, jakuju piŭ dla azdaraŭleńnia
U Babrujsku ŭžo źjavilisia pieršyja hryby, a ŭ Breście raśćvili padśniežniki
«Nu i chto ich kupić?» U biełaruskich kramach znajšli hryby pa 500 rubloŭ za kiło