Сіноптыкі асцярожна спрагназавалі, калі вернецца цяпло
Прагноз надвор'я па Беларусі на 4-6 красавіка
03.04.2024 / 12:00
У чацвер будзе яшчэ халодна і ўсякая трасца ў выглядзе снегу, мокрага снегу, дажджу і парывістага ветру.
Ноччу -3..+3°С, днём +3..+ 9°С, па паўднёвым захадзе Беларусі да + 12°С. У Мінску максімум +4°С.
У пятніцу на большай частцы тэрыторыі краіны пройдуць кароткачасовыя ападкі (дождж, ноччу з мокрым снегам). Вецер днём парывісты. Ноччу ад -4°C па паўночным усходзе да + 8°C па паўднёвым захадзе краіны, максімальная днём будзе ад + 6°C у паўночных раёнах да +16°C у паўднёвых.
6 красавіка, у суботу, дажджы. Удзень у асобных раёнах магчымыя навальніцы. Ноччу +2..+ 8°С, максімальная днём +10..+ 17°С,
у заходніх і паўднёвых раёнах Беларусі + 18..+20°С.
У Мінску ў суботу ўжо прагназуецца +15°С, а ў панядзелак +19°С.
Такі прагноз дае папулярны рэсурс gismeteo.by
Чытайце таксама:
У Беларусі рэзка пахаладала. За ноч тэмпература ўпала больш чым на 20 градусаў
Учора — гарачыня і навальніца, а сёння ў Мінску — красавіцкі снег
У Гомелі бура абрынула сцяну жылога дома
Па многіх месцах Беларусі непагадзь, асабліва церпіць Гомельшчына