Zorku «Što? Dzie? Kali?» Fiodara Šviedava sudziać za «finansavańnie ekstremizmu»
Jamu pahražaje da vaśmi hadoŭ kałonii.
05.04.2024 / 08:30
Fiodar Šviedaŭ i jahonaje firmovaje pryvitańnie padčas hulni — pryŭźniaty kułak. Skrynšot z telekanała ANT
Fiodaru Šviedavu 48 hadoŭ. Jon rodam sa Śvietłahorska. U 1998-m skončyŭ Hrodzienski dziaržaŭny ŭniviersitet na fizika. Šviedaŭ ź siamjoj žyvie ŭ Ašmianach. U ich z žonkaj jak minimum troje dziaciej — dvoje darosłych i adno niepaŭnaletniaje.
Fiodar byŭ zorkaj biełaruskaha «Što? Dzie? Kali?» jašče da taho, jak patrapiŭ u televiersiju prahramy.
Hulaje jon z 2006 hoda i ŭdzielničaŭ u amal usich respublikanskich spabornictvach. A ŭ 2013-m, paśla ŭdziełu jahonaj kamandy «Hasiła» ŭ «Brejn-rynhu», ich zaprasili ŭ tak zvanuju «elitarku».
Kamanda Fiodara Šviedava adhulała vosiem siezonaŭ, apošni — u mai 2020-ha. U 2017-m Fiodar atrymaŭ «Vialikuju chrustalnuju savu» jak najlepšy hulec siezona.
Kali jaho zatrymali — dakładna nieviadoma, jak i sutnaść abvinavačańnia. Viadoma tolki, što jon achviaravaŭ da maja 2021 hoda.
Sud nad Šviedavym pačniecca 15 krasavika ŭ Hrodzienskim abłasnym sudzie.