У Беларусі здымуць мастацкі фільм пра лётчыкаў, што разбіліся ў Баранавічах
Здымкі запланаваныя на 2025 год.
05.04.2024 / 11:07
Фота: Мінабароны
У Беларусі здымуць мастацкі фільм, прысвечаны подзвігу Герояў Беларусі — ваенных лётчыкаў маёра Андрэя Нічыпорчыка і лейтэнанта Мікіты Куканенкі.
Сёння прадстаўнікі Міністэрства абароны Беларусі і Міністэрства культуры Беларусі правялі першую рабочую нараду, на якой абмеркавалі сцэнар фільма, акцёрскі склад і агульную канцэпцыю здымак.
Фільм носіць працоўную назву «Адно на дваіх». Здымкі запланаваныя на 2025 год, паведамляе Мінабароны ў сваім тэлеграм-канале.
Лётчыкі Андрэй Нічыпорчык і Мікіта Куканенка загінулі 19 мая 2021 года. Вайсковы самалёт Лідскай штурмавой авіябазы Як-130 падчас трэніровачнага палёту пацярпеў катастрофу. Андрэй і Мікіта вырашылі адвесці самалёт ад жылых дамоў. У лістападзе 2021 года ім было прысвоена званне Герояў Беларусі.
Чытайце таксама:
У Маладзечне здымаюць расійскае кіно. Гараджанам прапануюць ролі супрацоўнікаў ППС