Terytoryi ŭ abmien na biaśpieku — mahčymy scenar spynieńnia vajny
Pradstaŭniki NATA abmiarkoŭvajuć varyjant sastupak Kijevam svaich terytoryj Rasii ŭ abmien na harantyi biaśpieki i pryjom Ukrainy ŭ aljans
05.04.2024 / 14:48
Uładzimir Zialenski vystupaje na samicie NATA ŭ Vilni ŭ lipieni 2023 hoda. Fota: AP / Pavel Golovkin
Jak piša vydańnie La Repubblica, scenar spynieńnia vajny, jaki praduhledžvaje sastupku Kijevam svaich časova akupavanych terytoryj Rasii ŭ abmien na ŭstupleńnie ŭ NATA, nie hučyć u aficyjnych dyskusijach, ale padnimajecca niefarmalna i stanovicca ŭsio bolš realnym, asabliva pierad vybarami ŭ ZŠA.
Jak śćviardžaje vydańnie, zhodna z płanam za Rasijaj prapanujuć pakinuć Krym i ŭsie terytoryi, zavajavanyja na praciahu dvuch hadoŭ. A zatym zafiksavać miežy i pryniać u NATA toje, što zastaniecca Ukrainie.
Taki varyjant, nahadvaje vydańnie, padobny da taho, što adbyłosia paśla Druhoj suśvietnaj vajny z padziełam Hiermanii na Uschodniuju, padkantrolnuju SSSR, i Zachodniuju.
Śćviardžajecca, što taki scenar paskoryć vyłučeńnie dapamohi Kijevu, zabłakavanaj u Kanhresie, asabliva pierad realnaj pierśpiektyvaj viartańnia Trampa ŭ Bieły dom.
Pucin nie zacikaŭleny ciapier u pieramovach z Bajdenam ab pieramirji ci jakim-niebudź inšym rašeńni. Jon heta zrobić z novym ci pieraabranym kiraŭnikom Biełaha doma. A da hetaha času jamu nieabchodna ŭmacavać svaje startavyja pazicyi — zavajavać bolš terytoryj Ukrainy. Kijevu treba zrabić roŭna supraćlehłaje.
U suviazi z hetym, jak piša vydańnie, ciapier nieabchodna paskoryć dapamohu Ukrainie, kab jana zmahła da pačatku nastupnaha hoda zachavać za saboju maksimalna mahčymuju terytoryju.
Čytajcie jašče:
«Kapitulacyja — heta nie mir». Hienieralny sakratar NATA zaklikaŭ praciahvać dapamahać Ukrainie
Ekśpiert apisaŭ try mahčymyja scenary ŭdziełu sałdat NATA ŭ vajnie va Ukrainie
Pucin pra vajnu va Ukrainie: Rasija abaraniaje ludziej na svaich terytoryjach