U Padmaskoŭi zabili palicejskaha, jaho naparnik u reanimacyi
U Padmaskoŭi napali na dvaich palicejskich, adzin ź ich zahinuŭ. Napadnikami byli narkadylery.
07.04.2024 / 22:35
Miesca zdareńnia. Skryn videa rasijskich siłavych orhanaŭ
Padrabiaznaści zdareńnia publikujuć rasijskija telehram-kanały.
Palicejskija prybyli na zatrymańnie zakładčykaŭ u ramkach śpiecapieracyi ŭ viosku Jakimava ŭ Padmaskoŭi. Jany łavili bujnoha zbytčyka miefiedrona. Padčas hetaha ŭsio i adbyłosia. U siłavikoŭ stralali ź pistaleta.
Zabity — 41-hadovy pamočnik učastkovaha Siarhiej Jafimienka. U jaho zastalisia dźvie dački. Paranieny — 35-hadovy Ryhor Siaroŭ. Palicejskaha dastavili ŭ balnicu, jon u reanimacyi.
Zabity 41-hadovy pamočnik učastkovaha Siarhiej Jafimienka
Siaroŭ niekalki razoŭ stračvaŭ prytomnaść. Jon zdoleŭ apisać prykmiety napadnika, na čym toj źjechaŭ, i zajaviŭ, što traŭmy jamu byli naniesienyja ciažkim pradmietam pa hałavie. U Siarova zafiksavana ciažkaja ČMT, piša kanał VČK-OHPU.
Napadnik zmoh uciačy ź miesca złačynstva na matacykle. U rehijonie abjavili płan «Sirena».
Mierkavany napadnik
Rasijski Śledčy kamitet raspačaŭ spravu pa fakcie zamachu na žyćcio supracoŭnikaŭ pravaachoŭnych orhanaŭ (art. 317 KK RF).