Ля берагоў Мазамбіка затануў паром. Загінулі 90 чалавек
Людзі ратаваліся ад успышкі халеры. На пароме было шмат дзяцей.
08.04.2024 / 07:17
Ілюстрацыйнае фота: Eric Lafforgue/Art in All of Us/Corbis via Getty Image
Больш за 90 чалавек загінулі пасля таго, як паром затануў ля паўночнага ўзбярэжжа Мазамбіка. Прадстаўнікі ўладаў правінцыі Нампула заявілі, што яшчэ пяцярых чалавек удалося выратаваць з каля 130, якія, як мяркуюць, знаходзіліся на борце, піша Бі-бі-сі.
Са слоў дзяржаўнага сакратара правінцыі Нампула Хаймэ Нета, яны ратаваліся ад успышкі халеры. Ён дадаў, што сярод загінулых было шмат дзяцей.
«З-за таго, што лодка была перапоўненая і не прыстасаваная для перавозкі пасажыраў, яна затанула», — сказаў Нета.