Hramadstva

Biełaruski treš-błohier Mellstroy arhanizavaŭ u Maskvie doždž z hrošaj. Jon raskidaŭ nad natoŭpam 75 tysiač dalaraŭ

Miljony rasijskich rubloŭ u vyhladzie «apadkaŭ» vypali na natoŭp u načnym kłubie

Strymier Mellstroy (Andrej Burym) raskidaŭ prykładna 7 miljonaŭ rubloŭ (kala 75 tysiač dalaraŭ) — tak jon z razmacham hulaŭ u noč z 6 na 7 krasavika ŭ kłubie ŭ centry Maskvy. Spačatku na tusoŭščykaŭ sypaŭsia hrašovy doždž, a naprykancy viečara strymier apłaciŭ usie stoliki, piša Shot.

Taksama błohier nabyŭ niekalki elitnych aŭtamabilaŭ paśla pryjezdu ŭ Maskvu.

Na parkoŭcy ŭ centry Maskvy Mellstroy ahladaŭ BMW M5 Competition, Lamborghini Huracan, Bentley Mulsanne, Ferrari i Hummer. Pavodle jaho słoŭ, usia pakupka kaštavała 170—180 miljonaŭ rubloŭ (amal dva miljony dalaraŭ).

Raniej strymiera źniali z vyšuku ŭ Rasii i Biełarusi paśla taho, jak jon paabiacaŭ zakupić sportinvientar i adzieńnie ŭ kožnuju z 500 ustanoŭ, jakija zajmajucca ŭładkavańniem dziaciej-sirot u Biełarusi. Paśla hetaha imia błohiera źnikła z baz vyšuku abiedźviuch krain, kudy jaho ŭnieśli za admovu iści ŭ biełaruskaje vojska.

Skandalnuju viadomaść Mellstroy atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.

Mellstroy i ciapier rehularna traplaje ŭ skandalnyja naviny, razdajučy svaim hledačam varjackija zadańni i abiacajučy za ich ščodra zapłacić. Paśla, praŭda, hetyja abiacanki nie zaŭsiody strymlivaje. 

Tak, litoŭski chłopčyk, jaki daścipna paprasiŭ prezidenta svajoj krainy Hitanasa Naŭsiedu pieradać pryvitańnie Mellstroy, z dvuch miljonaŭ dalaraŭ, jakija za heta paabiacanyja, zmoža atrymać dobra kali «tolki» 100 tysiač. Inšamu čałavieku było admoŭlena ŭ vypłacie miljarda rasijskich rubloŭ (kala 11 miljonaŭ dalaraŭ) za raźmiaščeńnie nika Mellstroy na Miesiacy.

Čytajcie taksama:

Biełaruski treš-strymier Mellstroy viarnuŭsia ŭ Rasiju

Treš-błohiera Mellstroy źniali ź biełaruskaha i rasijskaha vyšuku za dapamohu dzieciam

Homielski błohier Mellstroy znoŭ admoviŭsia płacić paabiacanyja vialikija hrošy za vykanańnie svajho dzivackaha žadańnia

Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?

Homielskaha treš-błohiera abjavili ŭ vyšuk u Rasii i zaviali kryminalnuju spravu ŭ AAE

Kamientary da artykuła