Epidemijołahi prakamientavali zjaŭleńnie pacuka ŭ staličnaj kramie: jon šukaŭ papić
U pačatku krasavika ŭ tyktoku zjaviłasia videa, na jakim minčuk raskazvaje pra 20-santymietrovaha pacuka ŭ «Śviatłafory» na vuł. Kazinca. Śpiecyjalisty Minskaha haradskoha centra hihijeny i epidemijałohii paviedamili karespandentu «Minsk-Naviny», čym abumoŭlena zjaŭleńnie hryzuna na handlovym abjekcie i jakija miery prymajucca, kab paźbiehnuć takich situacyj.
08.04.2024 / 15:23
Jak zapeŭnivajuć epidemijołahi, u pamiaškańniach kramy rehularna pravodziacca prafiłaktyčnyja raboty.
— Hetyja mierapryjemstvy praduhledžvajuć vykarystańnie taksičnaha srodku z nazapašvalnym efiektam u vyhladzie charčovych prynad, — kažuć u centry hihijeny i epidemijałohii. — Hetaje rečyva vyklikaje ŭ hryzunoŭ smahu. U pošukach vady jany pakidajuć miescy svaich chovanak i mohuć zjavicca navat u ludnych miescach, što i adbyłosia ŭ kramie na vuł. Kazinca.
Dziejnaść kramy z 1 krasavika była prypyniena. Paśla sanitarnych mierapryjemstvaŭ i kantrolu za imi krama adnaviła pracu 5 krasavika.
Čytajcie taksama:
Hetaha majskaha žuka lepš nie čapać. Čym jon niebiaśpiečny i dzie vodzicca ŭ Biełarusi?
Vošy, błochi, prusaki, pacuki. Chto žyvie ŭ biełaruskich turmach razam ź viaźniami
U tyktoku zachaplajucca minčukom, jaki jedzie ŭ mietro z trusikam. Ale nie ŭsio tak adnaznačna