Taktyčnyja vučeńni z bajavoj stralboj projduć adrazu ŭ čatyroch abłaściach Biełarusi
Vučeńni projduć na palihonach i ŭčastkach miascovaści ŭ Viciebskaj, Hrodzienskaj, Bresckaj i Mahiloŭskaj abłaściach.
09.04.2024 / 08:19
Ilustracyjnaje fota: pres-słužba Unutranych vojskaŭ
U Biełarusi startujuć bryhadnyja taktyčnyja vučeńni z bajavoj stralboj, paviedamlaje Minabarony.
Pačynajucca vučeńni 9 krasavika i zavieršacca 11 krasavika.
Projduć jany na palihonach i ŭčastkach miascovaści ŭ Viciebskaj, Hrodzienskaj, Bresckaj i Mahiloŭskaj abłaściach u ramkach kompleksnaj pravierki bajavoj hatoŭnaści złučeńniaŭ i voinskich čaściej biełaruskich uzbrojenych sił.
Padčas vučeńniaŭ padraździaleńni adpracujuć abarončyja dziejańni, u pryvatnaści, adbićcio nastupu ŭmoŭnaha praciŭnika, źniščeńnie niezakonnych uzbrojenych farmiravańniaŭ, dyviersijna-raźviedvalnych hrup, a taksama naniasieńnie ahniavoha źniščeńnia pieradavym atradam praciŭnika i ahniavuju padtrymku vojskaŭ, jakija abaraniajucca.
Heta klučavy etap pravierki bojehatoŭnaści.
«Pa vynikach pravierki padraździaleńni aceniać na pradmiet zdolnaści vykonvać zadačy pa pryznačeńni ŭ roznych umovach abstanoŭki», — havorycca ŭ paviedamleńni Minabarony.
Da pravierki bojehatoŭnaści padklučylisia tankavyja padraździaleńni
Žycharoŭ Viciebska papiaredzili pra abmiežavańnie ruchu z-za vučeńniaŭ
Adrazu ŭ čatyroch rajonach projduć vučeńni terytaryjalnaj abarony, u tym liku na miažy ź Litvoj