«Чаму вы не паліце печы асуджанымі?» Палітвязень Жамчужны расказаў пра прапагандыстку Красоўскую, якая ўцерлася да праваабаронцаў
Былы палітвязень Міхаіл Жамчужны ў новым выпуску ТОК згадаў пра асаблівасці дзейнасці Алены Каспяровіч. Цяпер яна пад прозвішчам Красоўская публікуецца ў газеце «СБ. Беларусь сегодня» і ходзіць у тым ліку на палітычныя суды.
10.04.2024 / 09:57
Алена Красоўская (ці Каспяровіч) у Курапатах. Фота: фэйсбук
Алена Каспяровіч была сярод супрацоўнікаў праваабарончай арганізацыі «Платформа». Дагэтуль яна была супрацоўніцай МУС і працавала ў медсанчастцы папраўчай установы.
Жамчужны называе Каспяровіч агентам КДБ. Ён лічыць, што вярбоўка адбылася да пачатку працы жанчыны ў «Платформе» і дадае:
«У кожную праваабарончую арганізацыю як мінімум два супрацоўнікі КДБ укараняюцца, каб паступала незалежная правераная інфармацыя. Галоўная задача такіх супрацоўнікаў — перашкаджаць працаваць».
Пасля таго, як па ініцыятыве Каспяровіч бала закрыта праваабарончая арганізацыя «Платформа», яна арганізавала сваю праваабарончую арганізацыю.
«Ёй адзінай у Беларусі дазволілі аформіць арганізацыю, якая займаецца маніторынгам месцаў пазбаўлення свабоды», — адзначае былы палітвязень і распавядае адну з гісторый.
«Яна ездзіла з маніторынгам па ўсім калоніям Беларусі. Аднойчы (як згадвалі прысутныя пры гэтым зняволеныя), пад час наведання калоніі № 14 яна ўбачыла, што батарэі халодныя і дазволіла сабе заўвагу: «Чаму вы не паліце печы асуджанымі?»
Жамчужны заўважае, што Каспяровіч не захацела з ім сустракацца, калі прыязджала ў калонію, дзе ў той час ён адбываў пакаранне, нягледзячы на патрабаванне з яго боку аб такой сустрэчы.
Мужчына згадвае, што Алена Каспяровіч як медык схавала сапраўдную прычыну смерці зняволенага ў ІЧУ горада Віцебска:
«Прычынай яго смерці сталі нанесены пад час збіцця ў ІЧУ траўмы з-за незаконнага ўжывання спецсродкаў. Ён памёр пад час перамяшчэння ў бальніцу. Каспяровіч гэта схавала ад праваабарончых арганізацый, патлумачыла смерць сіндромам, які быў пасля ап'янення. Быццам чалавек загінуў з-за частага ўжывання алкаголю».
Глядзіце цалкам:
Каспяровіч, Карповіч… Хто такая прапагандыстка Алена Красоўская, якая сведчыла супраць вясноўцаў
Палітвязень Жамчужны расказаў, як яго спрабавалі атруціць у ШІЗА ў калоніі ў Горках
«Мне прапаноўвалі за пачак цыгарэт уступіць у інтымную сувязь з іншым асуджаным»
Палітвязень Жамчужны: Мяне спрабаваў збіць сматрачы, за гэта іншыя зняволеныя апусцілі яго