U Škłoŭskaj kałonii źniavolenych vučać veb-dyzajnu
Adukacyjny prajekt ad Mahiloŭskaha ŭniviersiteta.
10.04.2024 / 12:24
Fota: MHU imia Kulašova
Źniavolenyja Škłoŭskaj VK-17 vučacca rabić internet-sajty. Takuju adukacyjnuju prahramu zapuściŭ Instytut pavyšeńnia kvalifikacyi i padrychtoŭki kadraŭ MDU imia Kulašova.
Zaniatki ŭ anłajn-farmacie startavali 19 sakavika i zavieršacca ŭ kancy maja. Prahrama raźličana na 40 hadzin.
«Prahrama praduhledžvaje vyvučeńnie asnoŭ dyzajnu sajtaŭ praz vykanańnie praktyčnych zadańniaŭ, što vykonvajucca słuchačami ŭ redaktarach tekstu. Zadańni nosiać tvorčy charaktar i raźličany na indyvidualnyja tempy vykanańnia», — raspavioŭ aŭtar prahramy Stanisłaŭ Mikulič.
Univiersitet supracoŭničaje z kałonijaj z 2022 hoda. Tady dla źniavolenych praviali zaniatki pa Photoshop i Corel Draw.
Mienavita ŭ Škłoŭskaj kałonii 21 traŭnia 2021 hoda zahinuŭ palitviazień Vitold Ašurak.