Łukašenka znoŭ lacić u Rasiju
10.04.2024 / 12:3
U Maskvie 11 krasavika adbudziecca sustreča z Uładzimiram Pucinym u farmacie «sam-nasam».
Fota: Alexander Demianchuk, Sputnik, Kremlin Pool Photo via AP
Łukašenka 11-12 krasavika ździejśnić pracoŭny vizit u Rasijskuju Fiederacyju, paviedamlaje jaho pres-słužba.
U Maskvie 11 krasavika adbudziecca sustreča z Uładzimiram Pucinym u farmacie «sam-nasam». Jany abmiarkujuć supracoŭnictva dźviuch krain u roznych śfierach, pytańni, jakija patrabujuć razhladu na vyšejšym uzroŭni. U centry ŭvahi na pierahavorach taksama budzie rehijanalnaja i mižnarodnaja abstanoŭka, kaardynacyja dziejańniaŭ pa reahavańni na isnujučyja vykliki i pahrozy, paviedamlaje pres-słužba.
12 krasavika ŭ Alaksandra Łukašenki i Uładzimira Pucina płanujecca sumiesnaje mierapryjemstva z nahody Dnia kasmanaŭtyki. Jany padviaduć vyniki misii na MKS, dzie ŭpieršyniu ŭ historyi pracavaŭ ekipaž Sajuznaj dziaržavy.
Łukašenka i Pucin parazmaŭlajuć z kasmanaŭtami, abmiarkujuć dalejšyja pierśpiektyvy supracoŭnictva ŭ kaśmičnaj śfiery.