Сёння — чарговая гадавіна крывавага тэракту ў мінскім метро
Сёння, 11 красавіка, — 13-я ўгодкі (11.04.2011) тэракту на станцыі «Кастрычніцкая».
11.04.2024 / 07:49
Фота: kp.ru
Выбух, тады гэта быў панядзелак, прагрымеў у 17:56 на платформе станцыі, у гадзіну пік. Загінулі і памерлі ад ран 15 чалавек, а 387 чалавек атрымалі раненні рознай ступені цяжкасці.
У арганізацыі тэракту абвінавацілі Дзмітрыя Канавалава і Уладзіслава Кавалёва. Іх асудзілі да смяротнай кары і ў сакавіку 2012 года пакаралі смерцю.
Традыцыйна ў гэты дзень супрацоўнікі метрапалітэна і мінчукі нясуць кветкі на станцыю метро «Кастрычніцкая».