«Možna» ŭsiu noč
22 studzienia ŭ Minsku ŭ kłubie «Reaktar» projdzie muzyčny fest «Možna!» z udziełam 9 hurtoŭ, siarod jakich — «Srebnaje viasielle», «Kasijapieja», «NahUal».
19.01.2010 / 16:18
22 studzienia ŭ Minsku ŭ kłubie «Reaktar» projdzie muzyčny fest «Možna!» z udziełam 9 hurtoŭ, siarod jakich —«Srebnaje viasielle», «Kasijapieja», «NahUal».
Arhanizatary festu «Možna!» majuć dakazać, što alternatyŭnaja muzyka moža karystacca nadzvyčajnym popytam, tamu jany vyrašyli zładzić muzyčny maraton na ŭsiu noč. Fest projdzie z udziełam dzieviaci kamandaŭ, kožnaja ź jakich pa-svojmu hladzić na paniaćci «aryhinalnaść» i «aktualnaść». Z vystupoŭcaŭ naŭmysna nikoha nie vyłučajuć: «Kožny ź ich moža adčuć siabie chedłanejram».
Fest «Možna!» z udziełam kamandaŭ ź Biełarusi pravodziŭsia dvojčy ŭ Maskvie, praz kryzys praviadzieńnie kancertu sarvałasia ŭ Pieciarburhu i jahonyja zavadatary vyrašyli pasprabavać svaje siły na Radzimie: «Choć u nas kudy ciažej zładzić kancert, čym za miažoj, my vyrašyli davieści, što alternatyŭnaja muzyka moža być papularnaj i vyklikać vialiki ažyjataž», — kaža Alaksandar Bahdanaŭ, jaki zajmajecca pradusavańniem ažno 13 kamandaŭ. Dzieviać ź ich možna budzie pabačyć na feście «Možna!» 22 studzienia ŭ klubie «Reaktar».
Častka z vystupoŭcaŭ zajmieli pośpiech pa-za miežami krainy, ale ŭ Biełarusi zastajucca nieviadomymi. «U Biełarusi zaŭždy prysutničaje skieptycyzm da svaich, — razvažaje śpiavačka Śvieta Bień z hurta «Sieriebrianaja svadba». — U nas dumajuć: «Aj, hetaja dura ź Miensku, nu što jany mohuć zrabić, akrom taho, što kryŭlacca». Zamiežniki nas usprymajuć zusim pa-inšamu, u ich niepieraduziaty pohlad, jany adkryty dla novaha».
Siarod vystupoŭcaŭ na feście «Možna!» hurty, ź jakimi ciapier rasiejskija muzyčnyja vydańni źviazvajuć biełaruski muzyčny praryŭ u Rasieju. «Heta zusim nia taja muzyka, što padsoŭvajuć nam ź Biełarusi na «Słavianskim bazary» ŭ Viciebsku», — zaznačyŭ paśla maskoŭskaha festu «Možna!» Arciemi Troicki.
Adzin z vystupoŭcaŭ — hurt «Kassiopieja», jaki vychodzić na scenu vyklučna ŭ kaściumach i maskach. Videa ź ich kancertu ŭ maskoŭskim klubie «Ikra» možna pahladzieć tut.